the journey continues…

ಮತ್ತೆ ಇನ್ನೊಂದು ವೀಕೆಂಡ್… ಈ ಸಲ ನಮ್ಮ ಪ್ರಯಾಣ ಬೇಲೂರು ಹಳೇಬೀಡು ಚಿಕ್ಕ ಮಗಳೂರ್ ಕಡೆಗೆ.ಅದರಂತೆ ಶನಿವಾರ ಬೆಳಿಗ್ಗೆ 5 ಗಂಟೆಗೆ ಬೆಂಗಳೂರಿಂದ ನಮ್ಮ ಪ್ರಯಾಣ ಆರಂಭ. ಬೆಂಗಳೂರಿಂದ ಸುಮಾರು 225 km ದೂರದಲ್ಲಿರುವ ಬೇಲೂರು ತಲುಪಿದಾಗ ಸಮಯ ಸುಮಾರು 10 30.
ಬೇಲೂರು ಮತ್ತು ಹಳೇಬೀಡು ಹೊಯ್ಸಳರ ಕಾಲದ 2 ಪ್ರಮುಖ ನಗರಗಳು .ಬೇಲೂರಿನ ಪ್ರಮುಖ ಆಕರ್ಷಣೆ ಶ್ರೀ ಚನ್ನಕೇಶವ ದೇವಸ್ಥಾನ.

12 ನೆ ಶತಮಾನದಲ್ಲಿ ಹೊಯ್ಸಳ ಸಾರ್ವಭೌಮ ವಿಷ್ಣುವರ್ಧನನಿಂದ ನಿರ್ಮಿಸಲ್ಪಟ್ಟ ಈ ದೇವಸ್ಥಾನ, ಹೊಯ್ಸಳರ ಶಿಲ್ಪ ಕಲಾ ನಿಪುಣತೆಗೆ ಸಾಕ್ಷಿಯಾಗಿದೆ.ದೇವಸ್ಥಾನದ ಮುಂದೆ ಮಹಾ ಗೋಪುರವಿದೆ , ಗರ್ಭಗುಡಿಯ ಗೋಡೆಗಳಲ್ಲಿ ಸುಮಾರು 42 ಮದನಿಕೆಯರನ್ನು ( ಶಿಲಾ ಬಾಲಿಕೆಯರನ್ನು) ಕಾಣಬಹುದು.

ಒಂದೊಂದು ಕೆತ್ತನೆ ಕೂಡ ಬೇರೆ ಬೇರೆ ನೃತ್ಯ ಭಂಗಿಗಳನ್ನು ತೋರಿಸುತ್ತದೆ. ವಿಷ್ಣುವರ್ಧನ ರಾಣಿ ಶಾಂತಲೆಯ ನೃತ್ಯವೇ ಇದಕ್ಕೆ ಸ್ಫೂರ್ತಿ ಎನ್ನ ಬಹುದು. ಇದಲ್ಲದೆ ವೀರನಾರಾಯಣ ಮತ್ತು ಚೆನ್ನಿಗರಾಯ ದೇವಸ್ಥಾನಗಳು ಇಲ್ಲಿವೆ.
ಬೇಲೂರಿನಿಂದ ಸುಮಾರು 16km ದೂರದಲ್ಲಿರುವ ಹಳೆ ಬೀಡು ಹೊಯ್ಸಳರ ರಾಜಧಾನಿಯಾಗಿತ್ತು.ಕಲ್ಲಿನಲ್ಲಿ ಕಡೆದ ಹೊಯ್ಸಳೇಶ್ವರ ದೇವಸ್ಥಾನದ ಗರ್ಭಗುಡಿಯಲ್ಲಿ ಶಿವಲಿಂಗವಿದೆ.ಮುಂದೆ ಬೃಹದಾಕಾರದ ನಂದಿಯನ್ನು ಕೆತ್ತಲಾಗಿದೆ.
ಎರಡೂ ದೇವಾಲಯಗಳು ನೋಡತಕ್ಕ ಕರ್ನಾಟಕದ ಶಿಲ್ಪ ಕಲಾ ತಾಣಗಳು. ಸಾಮಾನ್ಯ ನೋಟಕ್ಕೆ ನಮಗೆ ಇಲ್ಲಿರುವ ಎಲ್ಲ ಶಿಲ್ಪ ಕಲಾ ಸೂಕ್ಷ್ಮಗಳು ಅರಿವಾಗುವುದಿಲ್ಲ ಆದ್ದರಿಂದ ಅಲ್ಲಿರುವ ಗೈಡ್ ಗಳ ಸಹಾಯ ಪಡೆಯುವುದು ಒಳ್ಳೆಯದು.
ಅಲ್ಲಿಂದ ಹೊರಟು ಚಿಕ್ಕಮಗಳೂರು ತಲುಪಿದಾಗ ರಾತ್ರಿ 8 ಗಂಟೆ. ಚಿಕ್ಕಮಗಳೂರಲ್ಲಿ ನಾವು ವಾಸ್ತವ್ಯ ಹೂಡಿದ್ದು ಒಂದು ಹೋಂ ಸ್ಟೇನಲ್ಲಿ. woodway homestay ಹೆಸರೇ ಹೇಳುವಂತೆ ಸುತ್ತಲು ಮರಗಳು , ಹಸಿರು.

ನಿಸರ್ಗ ಪ್ರಿಯರಿಗಂತೂ ಹೇಳಿ ಮಾಡಿಸಿದಂತಹ ತಾಣ.ದೂರ ದೂರಕ್ಕೂ ಪಕ್ಷಿಗಳ ಕಲರವ ಬಿಟ್ಟರೆ ಬೇರೇನೂ ಕೇಳಿಸಲ್ಲ. ಚಿಕ್ಕಮಗಳೂರಿನ ಸ್ಪೆಷಲ್ ಕಾಫಿ ಕುಡಿದು ಕಾಫಿ ತೋಟದಲ್ಲಿ ಸಣ್ಣ ವಾಕ್ ಹೋಗಬಹುದು. ಮಲೆನಾಡಿನ ಅಕ್ಕಿ ರೊಟ್ಟಿ ಕಾಯಿ ಚಟ್ನಿ ಕೂಡ ಸವಿಯಬಹುದು. ಮನಸಿಗ್ಗೆ ಮುದ
ನೀಡುವ ಆಹ್ಲಾದಕರ ತಾಣ ಇದು. http://www.woodwayhomestay.com

ನಮ್ಮ ಮನೇಲಿ ಗಣೇಶ ಹಬ್ಬಕ್ಕೆ ಗೌರಿ ಗಣೇಶ ಕೂಡಿಸೋ ಅಭ್ಯಾಸನೆ ಇಲ್ಲ. ನಂಗೆ ಗೊತ್ತಿದ್ದ ಹಾಗೆ ಅಮ್ಮ ಕಡುಬು ಉಂಡೆ ಮಾಡ್ತಾ ಇದ್ರು.ತಿಂದು ಸಾಯಂಕಾಲ ಎಲ್ಲ ಕಡೆ ಗಣೇಶ ನೋಡಕ್ಕೆ ಹೋಗ್ತಾ ಇದ್ವಿ.21 ಗಣೇಶ ನೋಡಕ್ಕೆ ಸಿಕ್ಕದ್ರೆ ಇನ್ನು ಖುಷಿ .
ಹಾಗಾಗಿ ಮದ್ವೆ ಆದ ಮೇಲೇ ಮೊದಲನೇ ಸಲ ನಮ್ಮೆ ಮನೇಲಿ ಗಣೇಶ ಕೊಡಿಸುದು ಅಂದ್ರೆ ಸ್ವಲ್ಪ ಟೆನ್ಶನ್ ಆಗಿತ್ತು.ಆದ್ರೆ ನಮ್ಮ ಆಂಟಿ ತುಂಬಾ ಗೈಡ್ ಮಾಡಿದ್ರು.ತುಂಬಾ ಸರಳವಾಗಿ ಗೌರಿ ಗಣೇಶ ಪೂಜೆ ಹೇಗೆ ಮಾಡಿದ್ವಿ ಅಂತ ಹೇಳ್ತೀನಿ.
ಮೊದಲೆನೆಯದಾಗಿ ಶಾಪಿಂಗ್ ಲಿಸ್ಟ್ ( ಏನೇನು ತರಬೇಕು ಅದೆಲ್ಲ ಲಿಸ್ಟ್ ಮಾಡ್ಕೊಳ್ಳಿ).
ಗೌರಿ ಪೂಜೆ ಮಾಡಿ ಮುತ್ಯ್ದೆಗೆ ಬಾಗಿನ ಕೊಡಬೇಕು. ಬಾಗಿನಕ್ಕೆ ಬೇಕಾಗುವ ಸಾಮಾನುಗಳು :
ಮೊರ – 2 ಜೊತೆ
ಅಕ್ಕಿ -1 ಕೇಜೀ
ಉದ್ದು ಹೆಸರು ಕಡಲೆ ತೊಗರಿ – ಎಲ್ಲ 1/4 ಕೇಜೀ
ಬೆಲ್ಲದ ಅಚ್ಚು – 2
ತೆಂಗಿನಕಾಯಿ – 1
ವೀಳ್ಯದಲೆ – 5
ಅರಿಶಿನ ಕೋಡು
ಬೆಳ್ಳಿ ಕಾಲುಂಗುರ ( ದುಡ್ಡು)
ಚಿನ್ನದ ತಾಳಿ (ದುಡ್ಡು)
ಬಳೆ
ಕನ್ನಡಿ
ಬಾಚಣಿಗೆ
ಕಾಡಿಗೆ
ಅರಿಶಿನ,ಕುಂಕುಮ ಬಟ್ಟಲು
ಬ್ಲೌಸ್ ಪೀಸ್
ಉಪ್ಪು
ಹುಣಸೆ ಹುಳಿ
ಕಲ್ಲು ಸಕ್ಕರೆ
ಇವಿಷ್ಟು ಬಾಗಿನದ ಸಾಮಾನುಗಳು.

ಇದಲ್ಲದೆ ಮಾವಿನ ಸೊಪ್ಪು,ಅರಿಶಿನ,ಕುಂಕುಮಾ,ಮಂತ್ರಾಕ್ಷತೆ,ಹೂವು,ಹಣ್ಣು,ಗರಿಕೆ,16 ಎಳೆ ಗೆಜ್ಜೆ ವಸ್ತ್ರ, ಬಾಳೆ ಎಲೆ.

ಮೊದಲು ಮೋರನ ಅರಿಶಿನದಿಂದ ಸಾರಿಸಿ , ಕುಂಕುಮದಿಂದ ಎಕ್ಸ್ ಮಾರ್ಕ್ ಹಾಕಿ ಕೊಳ್ಳಬೇಕು. ಆಮೇಲೆ ಅದರ ಒಳಗೆ ಬಾಳೆ ಎಲೆ ಇಟ್ಟು ಮೇಲೆ ಹೇಳಿದ ಎಲ್ಲ ಸಾಮಾನುಗಳನ್ನು ಇಡಬೇಕು .
ಗೌರಿಯನ್ನು ಸಿಂಗರಿಸಿ ಅರಿಶಿನ ಕುಂಕುಮಾ ಅಕ್ಷತೆ ಹಾಕಿ ಪೂಜೆ ಮಾಡಬೇಕು .
ಹಣ್ಣು ಚಿವುಟಿ ನಯ್ವೆಧ್ಯ ಮಾಡಬೇಕು . ಕೊನೆಗೆ ತಂಬಿಟ್ಟು ಆರತಿ ಮಾಡಬೇಕು.
ತಂಬಿಟ್ಟು ಮಾಡಲು ಬೇಕಾಗುವ ಸಾಮನಗಳು
ಹುರಿಗಡಲೆ – 1/2 ಕಪ್
ಕೊಬ್ಬರಿ
ಬೆಲ್ಲ
ಎಲ್ಲ ಸೇರಿಸಿ ಮಿಕ್ಷಿನಲ್ಲಿ ಪುಡಿ ಮಾಡಿ ತುಪ್ಪ ಸೇರಿಸಿ ಕಲಸಿ ಬಟ್ಟಲುಗಳನ್ನೂ ಮಾಡಿಕೊಳ್ಳಬೇಕು.
ಅದರಲ್ಲಿ ತುಪ್ಪದಲ್ಲಿಅಡ್ಡಿ ಹೂ ಬತ್ತಿ ಇತ್ತು ಉರಿಸಿ ಆರತಿ ಮಾಡಬೇಕು.

ಗೌರಿನ ಒಂದು ದಿವ್ಸ,ಮೂರು ದಿವ್ಸ,ಅಥವಾ 5 ದಿವ್ಸ ಕೊಡಿಸ್ತಾರೆ.ನಾನು ಒಂದೇ ದಿವ್ಸ ಕೂಡಿಸಿ ಅದೇ ದಿನ ಸಂಜೆ ಗಂಗಾ ಪೂಜೆ ಮಡಿ ಗೌರಿನ ನೀರಲ್ಲಿ ಬಿಟ್ಟೆ.